Үйірме жұмысының басты мақсаттары: Студенттердің әскери-патриоттық тәрбиесін дамытады және дәріптейді, жасөспірімдерде патриоттық, әскери және құқықтық тәрбиені дамыту; студенттердің азаматтық және патриоттық сезімдерін қалыптастыру.
Үйірменің міндеттері:
– оқушылар үшін оңтайлы жағдай жасау, олардың дене бітімі, адамгершілік, рухани жетілуі үшін;
– әскери іс негіздерін терең зерттеу;
– Отанға қызмет етуге, жоғары әскери оқу орындарына түсуге дайындық;
– Отанға деген сүйіспеншілікке тәрбиелеу;
– оқушылардың назарын халықтың батырлық және тарихи өткеніне аудару;
-салауатты өмір салтын тәрбиелеу, әскери-қолданбалы спорт түрлерімен таныстыру;
– жастар арасында құқық бұзушылыққа қарсы күресіп, ішкі істер органдарына көмек көрсету
«Жас сарбаз» клубы
24.02.2021ж «Innovative college» мекемесінде жалпы білім беретін пәндік циклдік бірлестігінің онкүндігі аясында Алғашқы әскери және технологиялық дайындық пәні бойынша «Жас сарбаз» әскери патриоттық клубының мүшелерінің қатысуымен «Қазақстан Республикасының Қарулы Күштерінің құрылуы» тақырыбында дөңгелек үстел өткізілді.
Дөңгелек үстелдің мақсаты: Студенттерге азаматтық көзқарасын қалыптастыру, ҚР егемендігін қорғау қажеттілігіне көз жеткізу, әскери қызметке жауапкершілікпен қарауға саналы түрде даяр болуға үйрету.
Білімділік: Қазақстан Республикасының Қарулы Күштері қалай құрылғаны туралы және қазіргі кезеңдегі Қазақстан Республикасы Қарулы Күштері, олардың құрамы жəне атқаратын қызметтері жайлы мағлұматтар беру, білімдерін кеңейту.
Дамытушылық: ҚР Қарулы Күштерінің әскери қызметкері туралы студенттердің ұғым, түсініктерін дамыту, ой-өрісін, ойлау қабілетерін, қоғаммен жұмыс жасауға дағдыландыру.
Тәрбиелік: Қазақстан Республикасы Қарулы Күштерін құрметтеуге және еңбексүйгіштікке, отансүйгіштікке, Қарулы Күштеріне деген құрмет сезімін ояту, қырағылыққа, батылдыққа тәрбиелеу.
Клуб жетекшісі : Әбішев Ержан Жарылғасынұлы.
«Жас сарбаз» үйірмесінің отырысы
18.05.2021ж «Innovative college» мекемесінде Жас сарбаз» әскери- патриоттық клубының жылдық жоспары негізінде Алғашқы әскери және технологиялық дайындық пәні бойынша «Жас сарбаз» әскери патриоттық үйірмесінің мүшелерінің қатысуымен «Калашников қаруының дайындалу тарихы, оның конструкторы Михаил Калашников туралы .Калашников автоматын жартылай бөлшектеу жəне жинақтау» тақырыбында сыныптан тыс сабақ өткізілді.
Сыныптан тыс сабағымыздың мақсаты: Жас ұрпақты Отанын, елін, жерін, халқын сүюге, Отан қорғау –басты патриоттық міндет екенін түсіндіру, туған жеріне, мекеніне деген сүйіспеншілігін арттыруға тәрбиелеу. Калашников автоматын жартылай бөлшектеп шашып жинаудың ретін түсіндіру, білдіру, меңгерту.
Білімділік: Калашников автоматын жартылай бөлшектеу және кұрастыру ретін; Калашников автоматының қолданылуын, оның бөлектері мен механиздері мағлұматтар беру, білімдерін кеңейту.
Дамытушылық: Оқыта және тәрбие бере отырып, елдің қауіпсіздігін сақтау басты борыш екенін үнемі дамыта меңгеру, білдіру. Автоматты толық емес бөлектеу мен жинақтауды үйрету және оған қабілеттілігін арттыру,дамыту.
Тәрбиелік: Калашников автоматының қолданылуы, оның бөлшектері, механизмдерін таныстыру; Калашников автоматының жартылай бөлшектеу мен құрастыруды орындау тәжирибелік дағдырларын дамыту; жауапкершілікке, ұқыптылыққа, өзара көмек көрсету сезіміне тәрбиелеу.
Үйірме жетекшісі : Әбішев Ержан Жарылғасынұлы.
